Klasat e pesta – pjesë të Projektit Kosovision Kontekst 4

Projekti Kosovision Kontest 4 ka filluar të realizohet edhe në këtë vit shkollor. Shkolla jonë ka treguar interesim dhe gatishmëri për të marrë pjesë aktive në ketë projekt. Ky projekt nxitë imagjinatën tek fëmijët e klasave të pesta për planifikim në katër fusha, si: arsim, infrastrukturë, ekonomi dhe bashkëjetesë. Përfshirja e nxënësve në këtë projekt ka vlera të shumëfishta, jo vetëm teori memorizuese, por ata do të planifikojnë praktikisht, me synim që të bindin koordinatoret dhe asistentet e projektit që të fitojnë garën së bashku me mësuesit e tyre, komunitetin e prindërve, biznesin lokal, drejtorin e shkollës etj., të cilët edhe do t’ju dalin zot fëmijëve në planifikimin e tyre. Drejtori i shkollës pati kënaqësi të veçantë të prezantojë te të dy klasat e pesta, në dy orët, dedikuar këtij projekti që zhvillon aftësitë për planifikim. Nxënësit e klasave të pesta, me mësues e mësuese, Zenel Shala dhe Mejreme Kryeziu, janë klasa që synojnë fitoren e kësaj gare, më të madhes, në Republikën e Kosovës. Suksese!

Klasa e pestë – 1

Klasa e pestë – 2