Përfundoi seminari treditor

Zv. Ministri për Arsim në Republikën e Kosovës, z. Nehat Mustafa, ka përmbyllur projektin: Edukata Qytetare dhe Qeverisja Demokratike në Shkollë

Seminari treditor në kuadër të projektit të përbashkët arsimor të Këshillit të Evropës – Komisionit Evropian për Arsim: Ndërkulturalizmi dhe Procesi i Bolonjes, ka përfunduar sot.

Ky seminar, i dhjeti me radhë, që u organizua me arsimtarë të lëndës edukatë qytetare dhe me drejtorë të shkollave të komunës së Malishevës, në fakt ka përmbyllur këtë projekt në nivël të Republikës së Kosovës. Informacionet që janë marrë në këto tri ditë trajnimi do të reflektojnë vlera në fushën e edukimit qytetar dhe qeverisje e udhëheqje cilësore e demokratike në shkollë.
Seminari u mbajt nga: Emir Adzovic – CoE / IBP Coordinator, Rolf Gollob – IBP Expert dhe Hatixhe Ramosaj – Asistente e programit.
Në përmbyllje të këtij Projekti dobiprurës, ka marrë pjesë Zv. Ministri për Arsim z. Nehat Mustafa, Drejtori i DKA-së z. Isuf Morina, Sophie Beaumont – ECLOK, Tim Kartwright – Head of CoE në Prishtinë.
Zv. Ministri për Arsim z. Nehat Mustafa dhe z. Tim Kartwright – drejtor i projektit, kanë ndarë certifikatat për drejtorë dhe arsimtarë, të cilat janë të akredituara nga MASHT-i.