Përfundoi viti shkollor 2011 – 2012

Të dashur nxënës
Të nderuar prindër e mësimdhënës

Duke ju falënderuar për partneritet të sinqertë, për përpjekje e angazhim, për mësimdhënie e mësimnxënie bashkëkohore, për arritje dhe cilësi në arsim, Ju uroj të kaloni pushime të këndshme verore!

Të nderuar prindër, fëmijët kanë nevojë për pushim dhe lojëra, por ata i duan edhe librat. Librat për fëmijë, sigurojnë gurthemelin për arsim të mirë, sepse leximi është themeli mbi të cilin zhvillohen të gjitha aftësitë e tjera. Zotërimi i hershëm i leximit është shpesh një parashikues i mirë i suksesit të ardhshëm. Mësimdhënësit, prindërit dhe bibliotekistët duhet që të inkurajojnë fëmijët që të lexojnë, duke lexuar ata do të zhvillojnë aftësitë dhe njohuritë e tyre, sepse një njohje reale e botës vjen pikërisht nga leximi, të kuptuarit e karaktereve letrare është një nga mënyrat e para që një fëmijë ka për të mësuar kuptimin e asaj që është njerëzore. Ne të gjithë, vijmë në ketë botë së bashku me nevojën për të nxënë, prandaj ngjarjet e një tregimi janë një mjet për të filluar eksplorimin e botës, që ndihmon për të konfirmuar, për të ndriçuar, dhe për të zgjeruar përvojat e jetës sonë, sepse është e ditur, se njerëzit ndajnë disa nga shqetësimet dhe ndjenjat e njëjta mes veti, në këtë kontekst, fëmijët duke lexuar libra, marrin informacione të rëndësishme për të kuptuar dhe vlerësuar botën e tyre nga bota e personazheve që i gjejnë në libra, fëmijët mësojnë shumë, pikërisht, nga personazhet e librave dhe me kënaqësi, ndajnë me ta, ndjenjat, gëzimet dhe shqetësimet e tyre.

Gëzuar pushimet verore!
Drejtori i Shkollës – Alush Kryeziu