Tema Arsimore  (Platformë Personale)

Arkiv November, 2009

Investimet e MASHT-it në shkollën tonë, po krijojnë ardhmërinë tonë…

Ndërmarrja Ndërtimore “Joni” - ka përfunduar së asfaltuari dy terrenet sportive për nxënësit e shkollës sonë.

MASHT-i me dy projektet që po realizon në shkollën tonë, (ndërtimi i shkollës së re dhe dy terrenet sportive), po ndikon që shkolla jonë të jetë shumë tërheqëse për nxënësit tanë. 

Sot shumë prindër vizituan shkollën dhe u gëzuan për punimet që po kryhen nga MASHT-i. Po aq mbresëlënëse ishte edhe vizita e Ekipit Ndërlidhës Monitorues (LMT) e KFOR-it, përkatësisht Kapitenit të LMT-së z. Baum.



Program festiv – 28 Nëntori 2009
26.11.2009 Alush Kryeziu

Nxënësit e shkollës sonë sot shfaqen një program festiv me këngë, valle e recitime për nder të festës së Flamurit – 28 Nëntorit.


Nxënësit e klasës së pestë dhe mësuesja Kumrie Gashi, kanë fituar garën në projektin e madh “Kosovision Kontest 2"

Programi festiv u realizua me ndihmën e mësimdhënësve: Ibrahim Gashi, Zemrie Gashi dhe Shemsije Kryeziu.



Fillon asfaltimi i terreneve sportive
26.11.2009 Alush Kryeziu
Shpejt do kemi finalen e madhe
25.11.2009 Alush Kryeziu

Shkolla e re dhe dy terrenet sportive do na sjellin finalen e madhe që aq shumë e kemi pritur, finalen e gëzimit dhe të lumturisë. Shkolla e vjetër dhe dy kontejnerët klasa të cilët kanë përcjellë me qindra nxënës gjatë gjithë këtyre viteve, do mbeten në kujtesën tonë si mësim i përjetshëm, që do të na tregojë se si duhet marrë forcën dhe energjinë për t’i mundur pengesat. 


Unë them se shkolla jonë është shembull i sfidës se guximshme në luftën e përditshme për t’i mundur kundërshtitë. Është shembull se si mund të fitohen miqtë dhe partnerët edhe atëherë kur guximshëm sfidohen problemet. 

Napoleon Hill, bindshëm thotë: “Nëse dini se ç’doni, atë zakonisht edhe e arrini”.



Kryetari i Komunës së Malishevës z. Isni Kilaj sot vizitoi shkollën e re që është në fazën përfundimtare të ndërtimit. Kryetari i Komunës monitoroi, udhëzoi dhe dha sugjerimet e tij për përshpejtimin e punimeve para ngricave dimërore. Ai pa nga afër edhe punimet e dy terreneve sportive që janë duke u ndërtuar.

 
Kryetari i Komunës – Isni Kilaj
(ndahet i kënaqur me punimet rreth ndërtimit të shkollës së re dhe dy terreneve sportive)
Me përkrahjen e qeverisë komunale, shkolla jonë ka përfituar disa projekte. Ndryshimet e dëshirueshme po ndikojnë fuqimisht që shkolla jonë të arrijë të bëhet shkollë cilësore.
Nxënësit e shkollës sonë, stafi mësimdhënës dhe komuniteti i prindërve falënderojnë Qeverinë Komunale për projektet që ka lejuar dhe për mbështetjen që na ofron.



Komuniteti i prindërve ndahet i kënaqur me punimet rreth ndërtimit të shkollës së re dhe dy terreneve sportive.

Një delegacion i prindërve viziton shkollën e re dhe dy terrenet sportive që po ndërtohen nga MASHT-i



Sot në Qendrën Didaktike të Gjakovës u shpallen fituesit e Projektit “Kosovision Kontest 2”. Këtë eviliment të rëndësishëm me karakter arsimor dhe garues e hapi Gonxhe Mejzini dhe Tahir Bakalli.

“Të gjithë s’mund të bëjmë gjëra të mëdha, por ne mund të bëjmë gjëra të vogla me dashuri të madhe” – Nëna Terezë

FITUESIT E PROJEKTIT “KOSOVISION CONTEST 2” – RAJONI I GJAKOVËS
(PËRKATËSISHT KOMUNAT GJAKOVË, RAHOVEC DHE MALISHEVË)

(Komisioni: kryetar jurie: Berat Thaçi, anëtarë: Katrina Washington – menaxhere e projektit, Ardita Hima – KEC, Remzi Buqaj – Malishevë, Vesel Krasniqi – Rahovec dhe dy bashkëpunëtorët e projektit të Rajonit të Gjakovës – Gonxhe Mejzini dhe Tahir Bakalli).

Shkollat fituese:

1. Shkolla Fillore “Beqir Gashi” – Rrezor, Malishevë (mësuesja Kumrie Gashi )
2. Sh.F “Pjeter Muqaj” – Guskë, Gjakovë
3. Sh.F “Zartiqi” – Zatriq, Rahovec
4. Sh.F “J. Salihu” – Molliq, Gjakovë
5. Sh.F “Ruzhdi Xhuliqi” – Marali, Malishevë
6. Sh.F “Lidhja e Prizrenit” – Opterushë, Rahovec
7. Sh.F “M. Bakija” – Gjakovë
8. Sh.F “M. Këpuska” – Gjakovë
9. Sh.F “B. Curri” – Krushë, Rahovec
10. Sh.F “E. Duraku” Dragobil, Malishevë
11. Sh.F “Z. Rexha” – Gjakovë
12. Sh.F “Gjergj Fishta” – Senik, Malishevë

Nga komuna e Malishevës në këtë manifestim mori pjesë drejtori i DKA-së z. Isuf Morina, Halim Hoti, Vera Bytyqi, Emine Krasniqi, Remzi Buçaj, drejtoret e shkollave fituese, mësuesit e klasave të pesta fituese dhe disa nxënës. 

Fotografi: Shkollat fituese të Komunës së Malishevës



15 fidanë, drurë halor për shkollën
20.11.2009 Alush Kryeziu

Kryetari i Këshillit të Shkollës, z. Musa Zogaj sot ia ka dhuruar shkollës 15 fidanë, drurë halor që do ta zbukurojnë oborrin e shkollës.

Musa Zogaj

Shkolla jonë ka rrjetin e partneritetit, nga i cili merr energjinë, por në veçanti na gëzon partneriteti në nivel vendi. Fuqia e funksionimit të trekëndëshit; shkollë-nxënës-prindër është mrekullibërës. Ky trekëndësh bashkëpunimi ka fuqinë e përditshme për të sjellë ndryshime të dëshirueshme për një shkollë cilësore që është synimi ynë…



Nxënësit shprehin ngazëllim
18.11.2009 Alush Kryeziu


Shkolla e re – Ndërton MASHT-i


Fushat spotive – Ndërton MASHT-i


Nxënësit shprehin ngazëllim për shkollën e re dhe terrenet sportive – Falënderojnë MASHT-in


Ndërmarrja Ndërtimore “Joni” me përkushtim dhe seriozitet të lartë po realizon projektin për ndërtimin e dy fushave sportive dhe rrethojës së Shkollës Fillore  "Beqir Gashi" në Rrezor.



Ministria e Arsimit Shkencës dhe Teknologjisë e Republikës së Kosovës praktikisht po i hap mundësinë vendbanimit tonë që të përshpejtojë rrugën dhe të arrijë statusin e një vendbanimi qytezë. Po aq përkushtim ka edhe qeveria komunale e Malishevës, e cila me projektet ideore dhe me investimet e saja në infrastrukturë po i shërben këtij qëllimi. Ky synim do ta lartësojë kuptimin e jetës dhe punës për më shumë se 2000 banorë të fshatit Rrezor.
Detyra dhe përkushtimi i të gjithë neve, për një jetë më të mirë në shtetin tonë është patriotizmi më kuptimplotë, që do të përmbushte ëndrrën e atyre të shumtëve që tani më janë në anë tjetër, në veçanti të Dëshmorëve të Kombit.


Shkolla e re në Rrezor – Ndërton MASHT-i

Dy terrene sportive – Ndërton MASHT-i