Disa mësimdhënëse të shkollës sonë sot vizituan shkollën e re që është në ndërtim e sipër. Godina e re, sipas opinioneve që dhanë ato, do të jetë një përkushtim shtesë për punë dhe angazhim më cilësor.
Mësimdhënëset shprehen falënderime për MASHT-in, që po ua bën kushtet dhe punën më kuptimplote në misionin e tyre në dobi të atdheut.
S’ka si të mos gëzohet mësuesja, mësuesi, nxënësi, prindi e kush jo, kur dihen pengesat aq të mëdha në punën tonë. Hapësira shumë e kufizuar e objektit ekzistues, na ka detyruar që të mbajmë mësim edhe në dy kontejnerë që na pati dhuruar KFOR-i gjerman.
Drejtori i shkollës z. Alush Kryeziu, falënderoi mësimdhënëset për vizitën, që nuk ishte pak emocionuese…

Shteti ynë përkujdeset dhe pajis falas me libra nxënësit e klasave të para deri në klasat e nënta. MASHT-i dhe udhëheqësi i saj z. Enver Hoxhaj, po dëshmon se arsimi është shtylla numër një e shtetit tonë. Ishte kënaqësi e veçantë të pranosh librat për nxënësit nismëtarë dhe për ata të nivelit të dytë.

Ne kemi edhe një arsye më shumë t’i gëzohemi këtij fillim viti shkollor, sepse në ketë vit shkollor, edhepse me vonesë, do t’i gëzohemi godinës së re shkollore, që është investim madhor nga MASHT-i.

Shkolla e re po merr pamjen finalizuese çdo ditë e më shumë. Sot ka filluar të qitet estrihu (nivelizimi). Klasat e mësimit nivelohen duke përdorur material hidro dhe termo izolues.
Shkolla jonë dhe komuniteti gravitues i saj, falënderon inxhinieret: Bajram Beqiraj dhe Shemsi Dakaj, të cilët monitorojnë dhe udhëzojnë punëkryesin.

Faqja e jashtme e fasadës ka filluar të ndërtohet, stiropor me trashësi 5 cm, sipas projektuesit,  "duhet të jetë optimale sa i takon anës së izolimit"… sa i përket fasadës së jashtme të ndërtesës së shkollës së re duhet cekur se këto punime janë pjesë e punimeve finale të shkollës së re……..

E pa shpjegueshme, në vend të përshpejtimit të kryerjes së punimeve të shkollës së re, ka një rënie të intensitetit të punimeve që nuk arsyetohet.